5 ძირითდი ნაბიჯი უძრავი ქონების რეალიზაციისთვის

სტატიაში შეძლებთ გაეცნოთ 5 ძირითად ნაბიჯს, რომელიც დაგეხმარებათ თქვენი უძრავი ქონების რელიაზაციაში.მნიშვნელოვანია ყოველი ნაბიჯი წინასწარ იქნეს განსაზღვრული და შემდეგ მოვახდინოთ მათი განხორციელება. მოდით, უფრო დეტალურად განვიხილოთ თითოეული ნაბიჯი და გავეცნოთ რამდენიმე რჩევას.

1. მოამზადეთ თქვენი სახლი გასაყიდად
სანამ თქვენს სახლს გასაყიდად გამოიტანთ, თქვენ უნდა მოამზადოთ თქვენი სახლის ინტერიერი და ექსტერიერი. რაც უფრო ცოტა ნივთია განთავსებული ოთახში მით უფრო დიდი ჩანს ფართი, რაც ყველასთვის მნიშვენლოვანი ფაქტორია .ასევე მნიშვენლოვანია სახლიდან გავიტანოთ ზედმეტი ნივთები, რომელიც აღარ წარმოადგენს საჭიროებას.
იმ შემთხვევაში თუ სახლი ახალი აშენებულია,სახლიდან უნდა გავიტანოთ ნებისმიერი სახის სამშენებლო მასალა თუ ნარჩენები, რაც გვეხმარება მეტად ესთეტიურად წარმოვაჩინოთ თითოეული ოთახი და ეზო.

2. შეარჩიეთ თქვენი უძრავი ქონებისთვის შესაბამისი ფასი
ფასის შერჩევის პროცესში მნიშვნელოვანია გავითვალისწინოთ ჩვენი უძრავი ქონების ფართობი, ოთახების რაოდენობა, საცხოვრებელი ფართის მდგომარეობა (გარემონტებულია თუ არა) ავეჯი და ტექნიკის დატოვების შემთხვევაში გასათვალისწინებელია,რომ ფასი იმატებს ,მნიშვენლოვანია გავითვალისწინოთ უძრავი ქონების მდებარეობა, კორპუსის შემთხვევაში რომელ სართულზე მდებარეობს და სხვა მნიშვნელოვანი საკითხები .
ფასის განსაზღვრის პროცესში მნიშვნელოვანია გავითვალისწინოთ როგორი მდგომარეობაა ბაზარზე, რამდენად აქტიური პერიოდია ყიდვა-გაყიდვის სფეროში და როგორი ფასებია ბაზარზე, გაზრდილია თუ პირიქით შემცირებულია.

3. სწორი ინფორმაციის მიწოდება სამიზნე აუდიტორიისთვის
მას შემდეგ,რაც გადავალთ უშუალოდ სახლის რეალიზაციაზე, ყურადღება უნდა გავამახვილოთ ინფორმაციის სისწორეზე, რომელსაც ეცნობა პირი. იმ შემთხვევაში თუ არ გვექნება სრულყოფილი ინფორმაცია ჩვენს უძრავ ქონებაზე,უმეტესობა არ ინტერესდება მსგავსი განცხადებით და შესაბამისად გაყიდვის პროცესიც უფრო ხანგრძლივი ხდება. განცხადებაში მითითებული უნდა იყოს სახლის ფართობი , ასევე ეზოს ფართი (არსებობის შემთხვევაში) სართულების,ოთახების, საძინებლის ,სველი წერტილების, აივნის ,ვერანდის და ა.შ რაოდენობა. ამავდროულად მნიშვნელოვანია განცხადებას თან ერთვოდეს ფოტოები, რომელიც უფრო თვალსაჩინოს ხდის ჩვენს უძრავ ქონებას და მეტ დაინტერესებასაც იწვევს.

4. განათავსეთ განცხადება უძრავის ქონების საიტზე
მას შემდეგ რაც შეარჩევთ თქვენთვის სასურველ ვებ-გვერდს.,ამის შემდეგ ყურადღება უნდა მივაქციოთ თუ სად , კონკრეტულად რომელ კატეგორიაში იქნება განთავსებული ამავდროულად გამოვიყენებთ საიტის ფასიან მომსახურებას და დამატებით სარეკლამო შეთავაზებებითაც ვისარგებლებთ. ეს ყოველივე დაგვეხმარებათ მეტი გამოხმაურება მიიღოთ დაინტერესებული პირებისგან.

5.საჭირო დოკუმენტების მომზადება და მოლაპარაკების წარმოება
თუ გადავწყვეტთ უძრავი ქონების გაყიდვას,მნიშვნელოვან პროცესს წარმოადგენს იურიდიულად გამართული საჭირო დოკუმენტაციის მოწესრიგება და მომზადება .მას შემდეგ რაც უძრავი ქონების შესახებ ინფორმაციას მივაწვდით სამიზნე აუდიტორიას და მოვიზიდავთ დაინტერესებულ პირებს,მნიშვნელოვანია სწორი კომუნიკაციით მივაწოდოთ მათთვის საინტერესო ინფორმაცია და ვაწარმოოთ მოლაპარაკება.