საქართველოს კურორტები: ბაკურიანი, ბახმარო

ბაკურიანი კავკასიის ერთ-ერთი უძველესი სათხილამურო კურორტია. მდებარეობს ზღვის დონიდან 1 700მ. სიმაღლეზე. თბილისისდან 180კმ.-ით არის დაშორებული. ზაფხული საკმაოდ გრილია, ზამთარი - ცივი, მაგრამ ყინვების გარეშე. თოვლის საფარის საშუალო საიმაღლე - 65სმ. მზიანი დღეების საშუალო წლიური მაჩვენებელი - 210 დღე.

კურორტს ახასიათებს მთის სუფთა, წიწვოვანი ტყეების სურნელით გაჟერებული ჰაერი. ბაკურიანის ჰავა რეკომენდირებულია ანემიისა და სასუნთქი სისტემის დაავადებების მკურნალობისთვის. გარდა სათხილამურო ტრასების დიდი არჩევანისა, ბაკურიანი აგრეთვე ცნობილია თავისი მინერალური წყაროებითა და ბოტანიკური ბაღით. ბორჯომთან ერთად წარდგენილი იყო 2014 წლის ზამთრის ოლიმპიური თამაშების ჩატარების ერთ-ერთ კანდიდატად.

ბაკურიანში გაყვანილია საბაგიროები, რომელთა მაქსიმალური მოქმედების სიმაღლე თითქმის 3კმ-ს აღწევს. სათხილამურო ტრასების საერთო სიგრძე - 5კმ. ციგაობის მოყვარულთათვის მოქმედებს ცალკე 1 400მ. სიგრძის ტრასა. არის სამი სათხილამურო ტრამპლინი: 45, 70 და 90მ. ცენტრალურ პარკში გახსნილია გასართობი ცენტრი და საციგურაო მოედანი.

ბაკურიანიდან ტურისტებისთვის ეწყობა ექსკურსიები, რომლის დროსაც შეგიძლიათ მოინახულოთ ულამაზესი ტბა „ტაბაწყური“, X საუკუნის მონასტერი, კურორტები „მიტარბი“ და „წაღვერი“. ბაკურიანიდან ბორჯომამდე სულ 30კმ., ვარძიამდე კი 60კმ.-ია


ბახმარო - მაღალმთიანი კლიმატური კურორტი, რომელიც შავი ზღვის სანაპიროდან სულ 50კმ-ით არის დაშორებული. აქ მთისა და ზღვის ჰავა ერთმანეთს ერწყმის. ზამთარი ზომიერად რბილია, ზაფხული კი - საკმაოდ გრილი. კურორტი ზღვის დონიდან დაახლოებით 2 000მ. სიმაღლეზე მდებარეობს. ზამთარში თოვლის საფარის სიმაღლე 7მ.-ს აღწევს, რის გამოც ამ პერიოდში ბახმარო ძნელად მისადგომი ხდება. ამიტომ საკურორტო სეზონის პიკი ზაფხულის თვეებზე მოდის.

ბახმაროს ტერიტორია გარშემორტყმულია წიწვოვანი ტყით. აქაური ჰავა რეკომენდირებულია ანემიის, ასთმის, სასუნთქი სისტემის დაავადების მკურნალობის დროს. ბახმარო ევროპის ერთ-ერთი ყველაზე მაღალი და ყველაზე მზიანი კურორტია - მზიანი საათების რაოდენობა წელიწადში 2 000 აღწევს.

წყარო:
https://capitaltravel.ge/bakuriani-ge/
https://capitaltravel.ge/baxmaro-ge/