ის რაც სტუდიოს ტიპის ბინაზე უნდა იცოდეთ

რას ნიშნავს “სტუდიოს ტიპის ბინა”?

ეს არის პატარა ფართის მქონე საცხოვრებელი სივრცე, სადაც მისაღები, საძინებელი და სამზარეულო გაერთიანებულია ერთ ოთახში. არსებობს ისეთი სტუდიოს ტიპის ბინები, სადაც მაგალითად, სამზარეულო ან საძინებელი იზოლირებულია, მაგრამ მიუხედავად იმისა, რომ ასეთ შემთხვევაში 2-ოთახიანი ბინა გვაქვს, ის მაინც სტუდიოს ტიპად მიიჩნევა, ვინაიდან ორი ზონა ერთ სივრცეშია გაერთიანებული (საძინებელი და მისაღები ან მისაღები და სამზარეულო).

მაინც როგორ მოვაწყოთ სტუდიო ისე, რომ იქ სახლური სიმყუდროვე იგრძნობოდეს და ამასთანავე შესაძლებელი იყოს გართობაც და დასვენებაც? ამისთვის რამდენიმე ხერხს შემოგთავაზებთ.
დიზაინ იდეები სტუდიოს ტიპის ბინისთვის

პირველ რიგში, თქვენ უნდა გადაწყვიტოთ რა გსურთ თქვენის სახლისგან. სტუდიოს ტიპის ბინაშიც ყველაფრის მოწყობაა შესაძლებელი, იმ შემთხვევაში თუ ამ საკითხს გულდასმით მიუდგებით.
გიყვართ კულინარია და წვეულებების მოწყობა? მაშინ პრიორიტეტად სამზარეულო და სასადილო ზონა გაიხადეთ. სახლიდან მუშაობთ ან სწავლობთ? ამ შემთხვევაში დარწმუნდით, რომ კომფორტული სამუშაო მაგიდის ადგილს გამოძებნით. საუბარია თქვენს პრიორიტეტებზე, იმაზე თუ რა არის თქვენთვის ბინაში უმთავრესი.

თუ თქვენ არ გინდათ, შეგექმნათ იმის განწყობა, რომ სამზარეულოში გძინავთ, არის ერთი მარტივი გამოსავალი – შიდა კარით დამალოთ ის.

ეცადეთ მთლიან სახლში გამოიყენოთ ერთი ფერი. თუმცა, ეცადეთ, იატაკი განსხვავებული ფერის იყოს, რათა შეიქმნას იმის განწყობა, რომ სივრცეს ოთახები აქვს. შეგიძლიათ, საამისოდ ხალიჩაც გამოიყენოთ.

ყველასთვის ცნობილია, რომ სარკეები სივრცეს ვიზუალურად ზრდის. ამიტომაც, აუცილებლად ბევრი სარკე გამოიყენეთ თქვენს ბინაში – სულ თუ არაფერი, ისინი მშვენივრად ასრულებენ დეკორატიულ როლს.

იმ შემთხვევაში თუ არ იცით, თქვენი ავეჯი სად წაიღოთ ისე, რომ მან არც გზა ჩაკეტოს და არც ქაოსი შექმნას, შეგიძლიათ, ის თქვენს კედელზე დაკიდოთ.

იდეალურ შემთხვევაში სტუდიოს ტიპის ბინაში თქვენ უნდა მოახდინოთ სამი ზონის (სამზარეულო, საძინებელი, მისაღები) იზოლირება. ეს შესაძლებელია სხვადასხვა ხერხით განხორციელდეს. ქვემოთ მოცემულია ზონირების რამდენიმე საინტერესო ვარიანტი, რაც დაგეხმარებათ თქვენი სივრცის უკეთ ათვისებაში.

• ზონირება წიგნების კარადის მეშვეობით
• ზონირება ხალიჩების მეშვეობით
• ზონირება შირმის მეშვეობით
• ზონირება ლოფტის ტიპის საძინებლის მეშვეობით
• ზონირება ფარდის მეშვეობით
• ზონირება შუშის ტიხრით
• ზონირება ავეჯით
ამ და სხვა დამატებითი დეტალების გათვალისწინებით თქვენ შეძლებთ სტუდიო ტიპის ბინის სრულ ათვისებას და თქვენი სურვილების შესაბამისად მოწყობას.

წყარო: https://www.homeis.ge/rogor-movackot-studios-tipis-sakhli/
https://www.homeis.ge/rstudios-tipis-bina/