აბაზანის თანამედროვე იდეები

სააბაზანოში დროის დიდ ნაწილს ვატარებთ და დიახაც, სწორია, როდესაც ვცდილობთ გარდავქმნათ იგი დიდებულ სივრცედ. უნიკალური დიზაინის აბაზანები, გლუვზედაპირიანი ნიჟარები და კერამოგრანიტისა და კერამიკული ფილები სხვადასხვა ფორმების და ზომების არსებობს და წარმატებით შეგვიძლია მოვარგოთ დიდსა და პატარა სივრცესაც. გარდა აუცილებელი სანიტარიისა, დღეს ტრენდულია გაფორმება აბაზანის აქსესუარებით, ელეგანტური დისპენსერებით და სათავსო ყუთებით.
განათება - როდესაც სააბაზანოს დაგეგმარებას ვიწყებთ, ამოცანის ინტეგრალური ნაწილია, რადგანაც მას სივრცის ხასიათის მთლიანად შეცვლა შეუძლია. იმისთვის, რომ დაგეხმაროთ თქვენი სააბაზანოს მოწყობაში, წარმოგიდგენთ დღესდღეობით ყველაზე ტრენდულ იდეებს. ბევრი რამეა დამოკიდებული იმაზე, თუ როგორ გავანათებთ შექმნილ ატმოსფეროს. ყველაზე სადა, ცივი ეფექტის მქონე სააბაზანოშიც კი შეგვიძლია შევქმნათ განსაკუთრებულად თბილი გარემო, თუ პერიმეტრის მთელ გაყოლებაზე LED განათებებს ჩავმალავთ.
თუ გსურთ თქვენს დიზაინში ბოტანიკის ელემენტების შემოტანა, რას იტყოდით, რომ მცენარე ნიჟარის ინტეგრირებული ნაწილი გაგეხადათ? თანამედროვე სტილში საკმაოდ გავრცელებულ ელემენტს წარმოადგენს,რაც მეტად დახვეწილს გახდის აბაზანას. გახადეთ კედლის მცენარეები მთავარი ელემენტი. ასეთი წრიული ფორმის ჭურჭელი მშვენიერი დეკორაციაა ოთახის თეთრი ნაწილისთვის. ცოცხალი მწვანე მცენარეები ოთახში მშვენივრად აბალანსებს ფილების ფერადოვნებას.
ნუ მოგერიდებათ ფერებით თამაში. სააბაზანო არ უნდა იყოს სახლის ყველაზე უფერული ნაწილი! და თუ მაინც მთლიანად თეთრი ფერის სქემის გამოყენებისკენ იხრებით, გირჩევთ შავ ფერს,რომელიც სააბაზანოს უფრო მეტად საინტერესოს ხდის. ...მეტი შავი ფერის გამოყენება ძლიერ და სოლიდურ ლუქს გვაძლევს.
გამოიყენეთ ბეტონი მოდერნული სტილის სააბაზანოში ინდუსტრიული ელემენტების შესატანად. ბეტონის სააბაზანო შეიძლება ძალიან მკაცრად ჟღერდეს, მაგრამ ავეჯი საინტერესო ფორმებით და ხის თბილი ტონებით, ასევე ოთახის მცენარეები მშვენივრად ანეიტრალებენ ამ სიმკაცრეს.
კიდევ ერთი საოცრად ეფექტური კედელი - ამჯერად, მასთან შერწყმულია ხის მასალისგან დამზადებული თარო, რაც ჯამში თანამედროვე სტილის სააბაზანოს ქმნის.
თუ სპილენძისფერი თქვენს გემოვნებაში ჯდება, მაშინ თამამად გამოიყენეთ სააბაზანოში. ასეთი ტრადიციული სტილის სპილენძისფერი აბაზანა და თანამედროვე პედესტალის ფორმის ნიჟარები ბრწყინვალე კომბინაციას ქმნის. გლუვი ნაცრისფერი ფილებით მოპირკეთებული კედელი კი კარგად აბალანსებს სპილენძისფერი ტონის სითბოს და ნათებას.
საბავშვო სააბაზანოს ინტერიერის დიზაინის შექმნა შესაძლოა მართლაც დიდი გამოწვევა აღმოჩნდეს. ტრადიციული სტილის სააბაზანო ოთახები სულაც არაა ბავშვების საყვარელი ადგილი და უმეტესწილად მათი იქ შეტყუება ძალიან რთულ ამოცნას წარმოადგენს. ამიტომ გირჩევთ გამოიყენოთ კაშკაშა ფერები და ცხოველების ფორმის აქსესუარები, რათა უბიძგოთ თქვენს შვილებს ხალისით შეირბინონ შხაპის მისაღებად ან კბილების გასახეხად. განა ვინმე გაუძლებს ცდუნებას მოუშვას წყალი სახალისო ონკანიდან?
წყარო: https://www.roomdesign.ge/ka/126-blogi-rchevebi/53-abazanis-dizainis-Tanamedrove-da-trenduli-ideebi